Қолдарды өңдеу

72
Қолдарды өңдеу
Қолдарды өңдеу
Мақалада ҚР ДСМ-нің 2013 жылғы 23 сәуірдегі № 111 бұйрығымен бекітілген ҚР медициналық ұйымдар қызметкерлерінің қолдарын өңдеу бойынша әдістемелік ұсынымдар келтіріледі.

Қазақстан Республикасының медициналық ұйымдары қызметкерлерінің қолын өңдеу жөніндегі
әдістемелік ұсыным

1. Жалпы ережелер

1. Осы әдістемелік ұсыным Қазақстан Республикасының медициналық ұйымдары қызметкерлеріне арналған.

2. Қолды тиімді өңдеуді қамтамасыз ету үшін мынадай шарттарды сақтау қажет: тырнақты алу, тырнақта лактың болмауы, жасанды тырнақтың болмауы, қолда зергерлік әшекейлер мен сағаттың болмауы.

3. Медициналық ұйымдарда ауруханаішілік инфекциялар қоздырғыштарының берілуінің және таралуының негізгі факторы медицина персоналының манипуляцияларды орындауы немесе аурухана ортасындағы әртүрлі объектілермен (аппараттар, аспаптар беті, науқастарды күту заттары, санитариялық-техникалық жабдық, әбзелдер, киім, медициналық мақсаттағы бұйымдар, таңу материалы, медициналық қалдықтар және т.б.) жанасуы кезінде ластанатын қолы болып табылады.

4. Микроорганизмдердің қол арқылы ықтимал берілу жолдарын тоқтату және ауруханаішілік инфекциялардың пайда болу қаупін азайту үшін қол нақты немесе әлеуетті ластануы мүмкін барлық жағдайларда медициналық ұйымдар қызметкерлерінің қолын өңдеу қажет.

5. Медициналық ұйымдар қызметкерлерінің қолын өңдеудің үш тәсілі бар:

антисептиктерді қолданбай, қолды сабынмен және сумен жуу;

антисептикті қолдану арқылы қолды өңдеу;

қолды хирургиялық дезинфекциялау.

2. Антисептиктерді қолданбай, қолды сабынмен және сумен жуу

6. Антисептиктерді қолданбай, қолды сабынмен және сумен жуу мынадай жағдайларда жүргізіледі:

1) тамақ өнімдерімен жұмыс істеу, тамақты дайындау және тарату алдында;

2) тамақ ішу алдында;

3) дәретханаға барғаннан кейін;

4) пациентпен тікелей жанасу болмаған кезде (төсек әбзелдерін ауыстыру, үй-жайды жинау және т.б.) пациенттің күтімі бойынша іс-әрекетті жүргізу алдында және жүргізгеннен кейін;

5) инфекциялық және паразиттік аурулардың белгілері бар пациенттерді қоспағанда, пациенттің зақымданбаған терісімен (пальпациялау, пульсті, артериялық қысымды өлшеу және т.б.) жанасқаннан кейін;

6) қол анық ластанған барлық жағдайда.

7. Қолды жуу үшін жылы ағын су, дозаторы бар құтыдағы сұйық сабын, бір рет қолданылатын сүлгілер немесе бір рет қолданылатын майлықтар пайдаланылады. Жартылай босаған құтыға сұйық сабынды үстемелеп құюға болмайды.

8. Қолды жуу кезіндегі іс-әрекеттің жүйелілігі:

1) су құбыры кранын ашу;

2) қолды сумен сулау;

3) ылғал қолға сабынды жағу;

4) EN-1500 еуропалық стандартқа сәйкес өңдеу жүргізу (осы әдістемелік ұсынымға қосымша);

5) қолды бір рет қолданылатын сүлгімен немесе бір рет қолданылатын майлықпен құрғату;

6) сүлгіні қалдықтар жинауға арналған сыйымдылыққа немесе контейнерге тастау.

3. Антисептикті қолдану арқылы қолды өңдеу

9. Антисептикті қолдану арқылы қолды өңдеу мынадай жағдайларда жүргізіледі:

1) инвазиялық процедураларды орындау алдында және орындағаннан кейін;

2) пациенттің тері жабындыларының тұтастығын бұзатын манипуляциялар жүргізу алдында және жүргізгеннен кейін;

3) жарақаттармен және катетерлермен манипуляциялар алдында және одан кейін;

4) науқастың қанымен және басқа да биологиялық сұйықтықтарымен, бөлінділерімен жанасқаннан кейін;

5) инфекциялық және паразиттік аурулардың белгілері бар пациенттермен жанасу алдында және жанасқаннан кейін;

6) жаңа туылған сәбилерді қарау алдында.

10. Антисептикті қолдану арқылы қолды өңдеу екі сатыдан тұрады: қолды сабынмен және сумен жуу (8-тармаққа сәйкес) және қолды тері антисептигімен дезинфекциялау.

11. Антисептикті қолдану арқылы қолды өңдеу кезіндегі іс-әрекеттің жүйелілігі:

1) осы әдістемелік ұсынымның 8-тармағына сәйкес қолды сабынмен және сумен жуу;

2) қолдың буындарына 3 мл-ден кем емес мөлшерде антисептикті жағу және EN-1500 стандарты бойынша қозғалыс жүйелілігін сақтай отырып, толық құрғағанға дейін теріге мұқият ысқылау (антисептикті жаққаннан кейін қолды сүртпеу керек).

12. Қолды өңдеу үшін жылы ағын су, шынтақ дозаторы бар құтылардағы сұйық сабын мен антисептиктер, бір рет қолданылатын сүлгілер немесе бір рет қолданылатын майлықтар пайдаланылады. Жартылай босаған құтыға сұйық сабынды және антисептикті үстемелеп құюға болмайды. Антисептик ретінде Қазақстан Республикасында қолдануға рұқсат етілген дезинфекциялау құралдары пайдаланылады.

4. Қолды хирургиялық дезинфекциялау

13. Қолды хирургиялық дезинфекциялау мынадай жағдайларда жүргізіледі:

1) кез келген операциялық араласулар алдында;

2) маңызды инвазиялық емшаралар алдында (мысалы, ірі тамырларды пункциялау).

14. Қолды хирургиялық дезинфекциялау үш сатыдан тұрады: қолды механикалық тазалау, қолды тері антисептигімен дезинфекциялау, қолды стерильді бір рет қолданылатын қолғаппен жабу.

15. Қолды хирургиялық дезинфекциялау кезінде өңдеу білекті қамтиды, жылы ағын су, шынтақ дозаторы бар құтылардағы сұйық сабын мен антисептиктер, стерильді сүлгілер немесе стерильді майлықтар пайдаланылады. 

Сондай-ақ қараңыздар:

Қолдарды хирургиялық дезинфекциялау кезеңдері 

Қолдарды өңдеу кезіндегі қозғалыстардың кезектілігі (EN-1500 еуропалық стандарты)

Қадамдық нұсқаулық : Қолдарды әлеуметтік (кәдімгі) өңдеу

Қадамдық нұсқаулық: Қолдарды гигиеналық өңдеу



Участвуй в наших семинарах

Школа

Проверь свои знания и приобрети новые

Записаться

Самое выгодное предложение

Самое выгодное предложение

Воспользуйтесь самым выгодным предложением на подписку и станьте читателем уже сейчас

Живое общение с редакцией






© 2007–2017  «Медицина  МЦФЭР - Казахстан» 

Все права защищены. Полное или частичное копирование любых материалов сайта возможно только с письменного разрешения редакции  «Медицина МЦФЭР - Казахстан». Нарушение авторских прав влечет за собой ответственность в соответствии с законодательством РК.

По вопросам подписки обращайтесь:        +7 (727) 323-62-12/13

По вопросам клиентской поддержки:         +7 (727) 237-77-04



  • Мы в соцсетях
Сайт предназначен для работников сферы медицины

Чтобы продолжить чтение, пожалуйста 
зарегистрируйтесь.
Это бесплатно и займет всего минуту, а вы получите:
  • доступ к 1 500+ полезным статьям
  • 1 500+ актуальных ответов от ведущих экспертов
  • алгоритмы, СОПы, инструкции
  • ежедневно обновляемая информация
  • приглашение на участие в семинарах и вебинарах 

У меня есть пароль
напомнить
Пароль отправлен на почту
Ввести
Я тут впервые
И получить доступ на сайт Займет минуту!
Введите эл. почту или логин
Неверный логин или пароль
Неверный пароль
Введите пароль