2017 жылы Қазақстанда мектеп медицинасын білім беру жүйесінен денсаулық сақтау жүйесіне беру процесі басталды.
Қазақстан Республикасының "Қазақстан Республикасының кейбір заң актілеріне міндетті әлеуметтік медициналық сақтандыру мәселелері бойынша өзгерістер мен толықтырулар енгізу туралы" Заңын іске асыру шеңберінде 2017 жылғы қаңтар айында мектептердің медициналық қызметкерлері емханалардың штаттық санына кіргізіліп, медициналық пункттер олардың құрылымдық бөлімшелеріне айналды.
Қазақстан Республикасы Денсаулық сақтау министрі (бұдан әрі – ҚР ДСМ) Е. Біртанов2017 жылғы ақпан айында бірқатар заң актілеріне қол қойды:
- Қазақстан Ресаубликасы Денсаулық сақтау министрінің "" Денсаулық сақтау ұйымдарының үлгілік штаттары мен штаттық нормативтерін бекіту туралы" Қазақстан Республикасы Денсаулық сақтау министрінің 2010 жылғы 7 сәуірдегі № 238 бұйрығына өзгерістер енгізу туралы"" 2017 жылғы 27 ақпандағы № 39 бұйрығы (бұдан әрі – №39 бұйрық).
- Қазақстан Республикасы Денсаулық сақтау министрінің ""Амбулаториялық-емханалық көмек көрсететін денсаулық сақтау ұйымдарының қызметі туралы Ережені бекіту туралы"Қазақстан Республикасы Денсаулық сақтау министрі міндетін атқарушының 2011 жылғы 5 қаңтардағы № 7 бұйрығына өзгерістер енгізу туралы" 2017 жылғы 27 ақпандағы № 40 бұйрығы (бұдан әрі – № 40 бұйрық).
- Қазақстан Республикасы Денсаулық сақтау министрінің ""Қазақстан Республикасында бастапқы медициналық-санитарлық көмек көрсетуді ұйымдастыру Стандартын бекіту туралы" Қазақстан Республикасы Денсаулық сақтау және әлеуметтік даму министрінің 2016 жылғы 3 ақпандағы № 85 бұйрығына толықтырулар енгізу туралы" 2017 жылғы 27 ақпандағы № 41 бұйрығы (бұдан әрі – №41бұйрық).
Мысалы, № 40 бұйрықпен ҚР ДСМ-нің 2011 жылғы 5 қаңтардағы № 7 бұйрығындағы 34 тармақтың 14) тармақшасына толықтыру енгізілді, мұнда амбулаториялық-емханалық ұйымдардың профилактика мен әлеуметтік-психологиялық көмек бөлімшелерінде білім беру ұйымдары медициналық пункттерінің кабинеттері жұмыс істеуі тиіс екендігі белгіленді.
№ 39 бұйрықпен ҚР ДСМ-нің 2010 жылғы 7 сәуірдегі № 238 бұйрығына 13 қосымшаға толықтыру енгізілді, бұл жерде 4.3 параграфтың 97-1 жолында интернаттық ұйымдарға жатпайтын орта білім беру ұйымдарындағы медициналық пункттің медициналық бикесі лауазымы500 оқушыға 1 лауазым, аз жинақталымды мектептердің медициналық пункттерінде – 100 оқушыға 1 лауазым есебінен анықталатыны белгіленді.
№41 бұйрықпен Қазақстан Республикасы Денсаулық сақтау және әлеуметтік даму министрінің 2016 жылғы 3 ақпандағы № 85 бұйрығымен бекітілген бастапқы медициналық-санитарлық көмек мамандары іс-әрекеттерінің алгоритмдері 4-1 тармағымен толықтырылды, бұл жерде білім беру ұйымы медициналық бикесінің іс-әрекеттері белгіленді.
Қазіргі уақытта медициналық кадрлар дайындығының деңгейін бағалау, сертификаттау өткізілуде, оларды оқыту графигі қалыптастырылуда. Білім беру ұйымдарында мектеп оқушыларына медициналық көмек көрсету, штаттардың нормативтері мен медпункттерді жарақтандыру тәртібі әзірленді.
Сондай-ақ оқыңыздар: Медициналық қарап тексерулерді өткізу Қағидаларындағы өзгерістерге толығырақ тоқталсақ